Thursday, December 30, 2010

நீயும் நானும் ஒன்று!

அடுத்த வேலை உணவிற்கு அலையும்
ஏழைகளின் நிலை கண்டு
அவர்கள் வயிற்றில் எரியும் நெருப்பு
உன் இதயத்தில் எரிந்தால்...

நீயும் நானும் ஒன்று!


தமிழனாய் இருந்துக்கொண்டு தாய்மொழியை மதிக்காதவர்களையும்
இன உணர்வு இல்லாதவர்களையும் கண்டு
உன் உள்ளம் கொந்தளித்தால்...
நீயும் நானும் ஒன்று!


சதையை நம்பியும் முட்டாள் ரசிகர்களை நம்பியும்
எடுக்கப்படும் படங்களைக் கண்டு
உன்னால் குமுற முடிந்தால்..

நீயும் நானும் ஒன்று!


இந்திய மக்களை மேலும் மேலும் மூடர்களாக்கி
அந்த மூடத்தனத்தையே மூலதனமாக்கி சம்பாதிக்கும் அரசியல்வாதிகளையும்
அந்நிய நாட்டு நிறுவனங்களையும்
உள்நாட்டு தொலைக்காட்சிகளையும்
விளம்பரங்கங்களையும்
கண்டு உன்னால் கொதிக்க முடிந்தால்

நீயும் நானும் ஒன்று!


வாழ்க்கையில் ஏதேனும் சில சந்தர்ப்பங்களில்
நேர்மைத் தவறி நடக்கும் நிலை வரும்போதெல்லாம்
உன்னால் வேதனைப்பட முடிந்தால்

நீயும் நானும் ஒன்று!


குமுறினாலும் கொதித்தாலும்
கொந்தளித்தாலும் வேதனைப்பட்டாலும்
கையாலாகாத்தனத்தோடு
நீ உன் வழியே நடந்தால்

நீயும் நானும் ஒன்று!


உலகின் எங்கோ ஒரு மூலையில் நடக்கும் அநியாயத்தைக் கண்டு உங்கள் மனம் கொதித்தால் நாம் இருவரும் நண்பர்களே - சேகுவேரா

2 comments:

subramani periyannan said...

Reject Tamil Movies as i have done since 1978 if you realize they treat you as a fool.
I love my language since i could enjoy literature with all its dimensions only in my mother tongue,not more than that.To me a language is a medium of communication and if i can able to communicate in Tamil OK.If i could be able to express myself more clearly in some other language its well and good,no disparity between languages.
As far as the Politicians are concerned they have been trained as robbers and burglars by our hon.Chief minister from 1968 onwards.And the disease has spread throughout India and almost all political parties have been corrupted beyond redemption[for which Tamils are indebted to our self respect movement spearheaded by our Hon.Chief minister] and some fundamental changes has to be made in our electoral system.
As an individual you and i cannot fight with establishment

ηίαפּάʞиίнτ ™ said...

வாய் திறன் அற்ற நண்பர்களின் தாய் மொழி உணர்வை எப்படி காட்ட விரும்புக்ரீகள்#

இன உணர்வு கண்டிப்பாக தேவைதான.

உள்நாட்டு தொலைக்காட்சி விளம்பரங்கங்களையும் #?


அருமையான கவிதை